(:: نار الغــــيرة -قصة-::)

موضوع: *(:: نار الغــــيرة -قصة-::)* 30/12/2009, 10:38 am

الغيرة وما تفعل

على لسان البنت اللي شافت الموقف

تقول : وأنا أصلي بالحرم إلا بذيك الحرمة الكبيرة في السن اللي تصلي وتبكي

تصلي وتبكي وتدعي وتبكي

أنا استغربت منها وقلت أكيد لها سالفة وكان كل مابين فترة يجيها ولد شاب يكلمها ويروح ويشوف وش تبي

أنا أخذني الفضول بصراحة وجلست بجنبها وسألتها ليش تبكين عسى ماشر

قالتلي مافي شي , أنا أصريت وسألتها مرة ثانية سكتت شوي بعدين قالت والله من العذاب اللي في

ليش؟ وش السالفة؟؟!!

قالتلي أقولك قصتي وبعدين احكمي

كنت متزوجة من زوج ونعم الأزواج يحبني ويحترمني ويعزني

بس كان فيني عيب أني ما أجيب عيال وأنا حاولت بس الله مارزقني فشرت عليه إنه يتزوج ثانية هو مارضى في البداية بس انا قعدت أحن وأحن إلين وافق

فدورت له على الزوجة وخطبتها له وتم الزواج بس بعد ما تزوجها شبت نار الغيرة بقلبي لأنه أخذ يميل لها و فترة بسيطة إلا والحرمة حامل زادت غيرتي

المهم جابت له ولد ....الزوج استانس وفرح وقعدت أنا افكر بنفسي كيف أنا اللي شرت عليه

في يوم جاني زوجي وقالي بسافر مع حرمتي الثانية وبنخلي الولد عندك

ووافقت طبعا لأن مافيه أحد يمسك الولد غيري

سافروا وخلو الولد عندي وكان الوقت شتاء وكنت شابة الجمر

والولد عمره تقريبا سنة وكم شهر وهو يلعب ويطامر قدامي

وانا بقلبي نار تشتعل مثل الجمر وشلون ياخذها ويسافر ولا !! ويخلي الولد عندي ومن هالكلام وفجأة إلا الولد يمد يده بيلعب بالجمر ومن ناري وغيرتي مسكت يدينه وحطيتها أكثر بالجمر اليين ذابت يده وهنا شلتها بعدها مايحتاج اقولك اشلون صارت يد الولد

وكذا حسيت إن ناري طفت شوي نمنا ذيك الليلة إلا ويجينا خبر وفاة زوجي مع زوجته وهم في طريق العودة بحادث

وظليت بروحي عايشة مالي أحد غير ربي ومن ثم الولد اللي تشوفينه وصار أكثر من ولدي وأعز
ويدور راحتي ويرعاني ومالي ظل غيره

هو اللي يشوف طلباتي وطلبات البيت ومو مقصر معاي بشي

بس أنا كل ماشفت يده يتقطع قلبي على اللي سويته فيه وهو يناديني يمه بس إلى الآن ماقلتله أني أنا اللي شوهت يده

ولازلت أعاني من العذاب وتأنيب الضمير وادعي ربي يغفرلي ذنبي

سبحان الله وشلون حكمة ربك انه صار خير لي لولا الله ثم هالولد كان أنا حالتي حاله

ويرد يجيها الولد وهو مخبي يده ويحب راسها ويسألها

هـــــــــــــــــــــــــــــــــــــــــا يالغالية نروح الحين .

ردوا اربوكوا

*(:: نار الغــــيرة -قصة-::)*

(:: نار الغــــيرة -قصة-::)